ЭМДҮЗ АЖЛЫН АЛБАНЫ ТАНИЛЦУУЛГА

Эрүүл мэндийн даатгалын тухай хуульд Эрүүл мэндийн даатгалын удирдах дээд байгууллага нь Үндэсний зөвлөл байна, Үндэсний зөвлөл ажлын албатай байна гэж хуульчилсан.

Ажлын албаны чиг үүрэг

Эрүүл мэндийн даатгалын үндэсний зөвлөлийн ажлын алба нь Улсын Их Хурлын Байнгын хорооны 2025 оны 01 дүгээр сарын 22-ны өдрийн 01 дүгээр тогтоолоор баталсан "Эрүүл мэндийн даатгалын үндэсний зөвлөлийн дүрэм"-ийн 5.1-д заасны дагуу Үндэсний зөвлөлийн өдөр тутмын үйл ажиллагааг эрхлэн явуулж, Эрүүл мэндийн даатгалын үндэсний зөвлөлийн 2025 оны 08 дугаар тогтоолоор баталсан "Ажлын албаны дүрэм"-д заасан дараах чиг үүргийг хэрэгжүүлэн ажилладаг.  

• Эрүүл мэндийн даатгалын үндэсний зөвлөлийн хуралдаан зохион байгуулах; 
• Эрүүл мэндийн даатгалын сангийн болон үйл ажиллагааны зардлын төсвийн гүйцэтгэлийн тайланд дүн шинжилгээ, судалгаа хийх; 
• Эрүүл мэндийн даатгалын тухай хууль тогтоомж, Үндэсний зөвлөлийн гаргасан шийдвэрийн хэрэгжилтийг хангуулах, хяналт тавих;
• Үндэсний зөвлөлийн жилийн ажлын тайланг бэлтгэж, Улсын Их Хурлын холбогдох байнгын хороонд хүргүүлэх:
• Ажлын албаны үйл ажиллагааны зардлын төсвийн гүйцэтгэлийн мэдээ, тайланг тогтоосон хугацаанд мэдээлэх; 
• Эрүүл мэндийн даатгалын үндэсний зөвлөлийн гишүүдийг шаардлагатай мэдээллээр хангах, эрүүл мэндийн даатгалын чиглэлээр иргэдээс ирүүлсэн өргөдөл, гомдлыг судалж, барагдуулах;

Ажлын албаны бүтэц, орон тоо

Ажлын албаны дарга, Нягтлан бодогч-Санхүүгийн шинжээч 1, Ахлах шинжээч 1, Шинжээч 2, Хяналт шинжилгээ, судалгааны мэргэжилтэн 2, эрх зүй, хуулийн мэргэжилтэн 1, хэвлэл мэдээлэл, олон нийттэй харилцах мэргэжилтэн 1, туслах ажилтан 3, нийт 12 орон тоотой үйл ажиллагаагаа явуулж байна.