❖ Эрүүл мэндийн даатгалын үндэсний зөвлөлийн 2024 оны 08 дугаар тогтоолоор эрүүл мэндийн тусламж, үйлчилгээний багц, төлбөрийн хэмжээ, чанарын болон санхүүгийн хяналтын асуудлаар дүгнэлт, зөвлөмж гаргах үүрэг бүхий орон тооны бус техникийн хорооны 9 гишүүнийг баталсан.

❖ Эрүүл мэндийн даатгалын үндэсний зөвлөлийн Ажлын албанаас Техникийн хорооны анхдугаар хурлыг 05 дугаар сарын 17-ны өдөр зохион байгуулж, хурлаар хэлэлцэх асуудлын төлөвлөгөөг Ажлын албаны дарга Т.Батмөнх танилцуулав.

❖ Техникийн хорооны бүрэлдэхүүн, ажиллах журмын 3.7-д “Техникийн хорооны даргыг техникийн хорооны гишүүдийн олонхын саналаар томилох” гэж заасан тул Техникийн хорооны гишүүн, Эрүүл мэндийн тусламж, үйлчилгээ үзүүлэгч байгууллагын төлөөлөл Ө.Анирыг техникийн хорооны даргад нэр дэвшүүлэн, гишүүдийн 100 хувийн саналаар сонголоо.

❖ Мөн Ажлын албанаас техникийн хорооны гишүүдэд хорооны чиг үүрэг болон ЭМДҮЗ-ийн үйл ажиллагааны талаар холбогдох мэдээллийг танилцуулж, гишүүдийн сонирхсон асуултад хариулт өгч, цаашид хийх ажлын талаар харилцан санал солилцлоо.

❖ Техникийн хороог байгуулснаар эрүүл мэндийн тусламж, үйлчилгээний багц, төлбөрийн хэмжээ, чанарын болон санхүүгийн хяналтын асуудлаар нотолгоонд суурилсан дүгнэлт, зөвлөмжийг гаргаж, уг дүгнэлт, зөвлөмжийг үндэслэн Үндэсний зөвлөл бодлогын шийдвэр гаргах юм.

ЭМДҮЗ-ийн дэргэд орон тооны бус техникийн хороог байгууллаа.

Сэтгэгдэл

Сэтгэгдэл үлдээх